東方素

营业中

休息中

東方素位於東方小祇園旁邊嘅商業大廈，位置算方便👍🏼。佢主打中式素菜，雖然佢強調係時尚、新派素食，但我覺得整體食物款式較普通，菜式類似大自然素食。一開門見到餐廳門外好黑，以為佢未開始做晚市，行入餐廳見到有人食飯先肯定佢已開始營業。環境比我想像中細，燈光較暗，牆身掛有心經同唔同嘅典句，周圍嘅佈置以暗色為主。⠀⠀⠀⠀⠀⠀⠀⠀⠀⠀⠀⠀🥢松露青豆汁新豬肉蓮球 ($108)食落有陣陣嘅黑松露香味，初時見到佢係炸，以為會好油膩，但食落又唔會覺得油膩。新豬肉球嘅皮夠薄身👍🏼，外脆內綿，嗰肉餡似芋蓉，可能因為佢將新豬肉打到好爛，餡料有新豬肉、蓮藕粒、粟米粒。⠀⠀⠀⠀⠀⠀⠀⠀⠀⠀⠀⠀🥢日式烏冬 ($65)味道偏鹹☹，材料有類似素叉燒嘅素肉 (口感煙韌)、椰菜、紫椰菜、銀芽、黃椒。⠀⠀⠀⠀⠀⠀⠀⠀⠀⠀⠀⠀🥢荔灣艇仔粥 ($38/ 碗)口感較杰身，材料有素蟹柳、素魷魚、免治牛、花生等。