丸十あぶり牧場 (已結業)

火山石燒黑安格斯肩胛小排；肉質扎實有彈性 ，好Juicy 。好鐘意食石燒，因為可以自己控制到幾生幾熟，就算簡單一塊扒，我都有唔同部分生熟嘅要求㗎！🥰🥰🥰呢個午餐超抵，仲配埋味噌湯、鮮沙律同碗日本飯🍚職員話碗飯係用隔水蒸的方法做出嘅，所以好有飯香！😋杯抹茶牛奶，好味到暈。牛奶味非常之濃郁，但又不會蓋過抹茶嘅香。最重要係佢地將D抹茶雪到冰粒狀，飲時淋上暖暖嘅香滑牛奶咁就溶到D抹茶冰，唔使額外加冰塊都能成為凍飲。無額外加冰自然唔會溝淡D味，又係可以自己調配濃淡。我由最濃開始試飲一兩啖然後慢慢再加入多啲牛奶。超級好飲！