丸十あぶり牧場 (已結業)

見呢間日式燒肉店開咗好多年，而家又越嚟越多分店，應該都唔差，今次嚟到moko試吓呢間分店先！石燒-澳洲和牛肉眼🥩（100g) $208呢間店嘅牛有好多唔同級數，今次揀咗呢塊M6澳洲和牛，屬於店舖嘅中間等級。最鐘意係點肉眼扒，因為一定夠淋，用石燒上可以自己控制燒到幾多成熟。除咗塊扒之外，仲有泡菜同酸薑做前菜。美國牛壽喜燒鍋🍲 $148冬天最啱就係食Sukiyaki，食完個身暖笠笠☺️壽喜燒汁甜甜哋，好開胃，佢哋配埋日本生雞蛋比你親自倒落去。呢款美國牛🇺🇸薄切，好淋身，上碟嘅時候係半生熟，再慢慢用熱湯浸熟，唔使驚過熟要急住食。串燒-日本雞腿肉串 $28雞腿肉質都鮮嫩嘅，不過相比起兩個主菜，呢個串燒就比較普通了。