醉串 (已結業)

早排食過串燒心思思又想再食, 於是乎去銅鑼灣找找, 經過謝斐道見到店內一排長枱, 幾有共融感覺, 就即管入去試下.  坐下了店員隨即奉上檸檬一個, 頂部附有噴嘴, 原來灑在串燒上吃的, 可減輕肥膩感, 好窩心.  首先飲品叫了巨蜂梳打, 入口香濃提子味, 還有粒粒似珍珠奶茶內的珍珠, 但質感不是煙煙靱靱的, 當爆開時內裡酸酸味味的疑似提子肉, 好有嚼感.為免麻煩, 要了两人套餐:凍蕃茄沙律 - 鮮紅色澤, 新鮮鮮甜無比, 加上柚子汁, 開胃香滑凍豆腐 - 豆腐嫩滑如絲, 配以麻醬, 絕配塩燒鯖花魚 - 肉質鮮甜略兼多骨蒜香牛油焗金菇 - 蒜香味不夠, 牛油過多另金菇過份吸收, 變得太腍, 口感怪怪蒜香帆立貝 - 比較細小但勝在鮮甜美味燒蒜芯串 - 用了麻辣粉非常野味, 蒜芯亦非常幼嫩塩燒牛舌 - 有油香, 牛味夠牛肋肉串 - 火喉夠, 鎖著肉汁脆燒五花腩 - 雖然有肥膏但也不覺肥膩, 非常香口炭燒煙肉焗生蠔 - 煙肉配生蠔比預期的夾煙肉茘枝串 - 清新的荔枝肉可減輕煙肉的飽滯感整體串燒做得出色, 但不知為何二人套餐每款只得一串, 還要每串三件, 點分都分不均勻, 有點奇怪!