龍蝦燒 (已結業)

去完食品展，按圖索驥去到佐敦龍蝦燒食串燒。店內串燒材料真係幾齊全，招呼又幾熱誠。$48隻龍蝦仔又幾惹味，算物有所值，我們點了芝士味和XO醬味，芝士味的芝士又香又滑，好惹味，雖然細細隻，都有D肉地，XO醬又有另一番風味，好好食。最喜歡就係燒波蘿同燒茄子，和牛都好好味。燒菠蘿燒過的味度又會甜D，蒜蓉燒茄子就又淋又滑，食完都想再食。和牛就入口溶化，牛肉味都幾重，值得一讚。見鄰桌食嗰個千層火鍋又幾抵死，有火鍋，又有一層好似燒烤咁烤熟D肉，重有一層蒸格可以用來蒸糯米飯，一鍋攪點晒，下次都要試下先。