影片
更多
2013-04-26
15 浏览
昨天同3個朋友去麥花臣打波前，本來想食汀汀，但經過染布房街，被一個超光猛嘅橙色鋪面吸引，發現開左間新嘅串燒店，安安燒。於是決定試下。店內嘅位好寬敞，唔似一般串燒店咁逼，檯椅都比正常大張。明明係旺角，啲租唔貴架咩?咁擺法真係蝕晒位，不過因此坐得好舒服。一睇點菜紙，梗係先叫我最愛嘅王老吉啦。跟住大家就瘋狂咁點野食。因為太多野食，所以就唔全部寫晒出黎喇 ，揀左幾樣我認為正o既講下啦。金銀蒜蓉燒生蠔 $38/兩隻超香,超惹味, 初頭唔知金銀蒜蓉係咩意思, 返去問左屋企人, 原來係普通蒜蓉+炸蒜蓉, 唔怪得咁香~秘製醬燒雞中翼 $28/客 (3隻)sorry, 我食左1隻先記得影相! 唔識形容係咩味，總之好好味，叫左3客! 1客3隻抵到爆! 聽講"秘製"係因為連老闆都唔知係點製作! 海膽刺身蝦 $26/客之前好似唔知o係邊度都食過, 海膽配蝦, 鮮味一流, 對鍾意食魚生、刺身之類o既人黎講, 係必食之選.燒韮菜 $12/份$12 勁大份, 上面鋪滿孜然粉, 香辣粉, 啖啖香, 正~極品烤餃子釀雞翼 $28/客個汁超好味, 而且係無骨! 最o岩我呢d 懶人~ 其他好味o既仲有:燒菜心: 菜
本來想食汀汀，
但經過染布房街，
被一個超光猛嘅橙色鋪面吸引，
發現開左間新嘅串燒店，安安燒。
於是決定試下。
店內嘅位好寬敞，唔似一般串燒店咁逼，檯椅都比正常大張。明明係旺角，啲租唔貴架咩?
咁擺法真係蝕晒位，不過因此坐得好舒服。
一睇點菜紙，梗係先叫我最愛嘅王老吉啦。
跟住大家就瘋狂咁點野食。
因為太多野食，所以就唔全部寫晒出黎喇 ，揀左幾樣我認為正o既講下啦。
金銀蒜蓉燒生蠔 $38/兩隻超香,超惹味, 初頭唔知金銀蒜蓉係咩意思, 返去問左屋企人, 原來係普通蒜蓉+炸蒜蓉, 唔怪得咁香~
秘製醬燒雞中翼 $28/客 (3隻)sorry, 我食左1隻先記得影相!
唔識形容係咩味，總之好好味，叫左3客! 1客3隻抵到爆! 聽講"秘製"係因為連老闆都唔知係點製作!
海膽刺身蝦 $26/客之前好似唔知o係邊度都食過, 海膽配蝦, 鮮味一流, 對鍾意食魚生、刺身之類o既人黎講, 係必食之選.
燒韮菜 $12/份$12 勁大份, 上面鋪滿孜然粉, 香辣粉, 啖啖香, 正~
極品烤餃子釀雞翼 $28/客個汁超好味, 而且係無骨! 最o岩我呢d 懶人~
其他好味o既仲有:
燒菜心: 菜心好似平平冇奇，但其實燒得好嘅菜心係會令人一叫再叫，但我唔係好識講個微妙之處，哈哈總之係好好味。
烤吊片: 本來我唔係好知咩叫吊片，原來係類似細個喺戲院門口食嗰啲烤魷魚，但好味一百倍! 老闆話係用9吋至一尺嘅頂級吊片!!
朱古力燒生蠔: 朱古力燒生蠔!? 冇睇錯，我原本都以為睇錯! 有啲咁新奇嘅野，冇理由唔試下。估唔到朱古力配生蠔都ok 架喎!
仲有沙茶醬燒金菇, 沙茶醬燒雞脾菇, 皇牌牛舌, 燒茄子, 燒雞泡魚干, 芝士通心粉釀蟹蓋, 沙茶醬燒龍脷柳, 果jam釀牛丸, 火灸海膽墨魚串, 燒地捫菠蘿, 燒鮮味海蜆, 燒雞肉軟骨棒, 頂級鹽燒多春魚..........
甜品都好味: 明月冰卷 (紅豆 綠豆), 甜蜜脆脆燒棉花糖夾餅, 甜蜜脆脆糖燒菠蘿, 香芋雪糕配脆脆雪糕筒.
有部份野我就唔係好識欣賞:
沙茶醬燒深海大墨魚咀串- 超大粒o既墨魚咀,我d朋友話好味, 但我覺得"un" 左d...
燒八爪魚鬚串- 本來以為係成條鬚成條鬚咁上, 但原來斬開左, 雖然好味, 不過對個"造型"有d失望
燒羊肉串- d朋友話好味, 但我覺得羊味太勁 (我d朋友話: "超,咁即係你唔鍾意食羊"....)
燒滋味雞翼尖- 味道ok, 但無乜肉o既野一向不是我所好....
燒清新鮮露笋- 係好清新, 不過我鍾意食濃味野...
燒四季豆- 都係好清新, 不過我都係鍾意食濃味野...
题外话/补充资料：
總括黎講, 串燒最重要係個氣氛.我最憎去d懶high class咁食串燒o既地方, 呢度就唔會有呢種感覺.
食物方面, 有d串燒店可能為左遷就香港人口味, 出黎o既食物係搞到無乜味,
個人意見, 串燒應該係濃! 辣! 香! 唔o岩食o既人可以選擇食其他野,
呢度符合到我濃! 辣! 香! o既要求, 希望佢可以堅持風格.
地點方便, 價錢唔貴, 如果佢風格不變, 我諗應該都會經常幫襯.
(以上食记乃用户个人意见 , 并不代表OpenRice之观点。)
张贴
