火山燒 (已結業)

食物種類夠曬多，而且幾有創意下，貪呢度日式串燒自己燒，夠曬多元化，而且價錢中上唔算好貴，細細件串燒，又可一次過食到好多款，啱曬女仔啦！升級優惠每人加88就有一個海鮮拼盤，由於唔係咁識燒既關係，店員仲會好熱誠咁同我地燒賣，店員好細心咁較好個鐘仔，夠時間就燒完俾你食，一站式的，夠麻利，服務幾好！拼盤幾有份量，有鮑魚有大蝦蜆螺等好丰富，果然無加錯。燒到剛剛好，海鮮夠曬熟，彈牙得來保留到汁，一點都唔un！係fb專頁按like，而家仲有得送牛邊邊tim，好抵呀！個鍋好大下，肥牛肉質嫩滑，肥瘦適中，個鍋仲有好多唔同既蔬菜蟹柳等，沾上芝麻醬汁，配合度高。