Hea Ha Hea Ha 居酒屋 (已結業)

朋友話想去尖沙咀食串燒飲啤酒，帶咗我去試新開居酒屋🏮 Hea Ha Hea Ha 居酒屋，聽個名都夠晒relax。餐廳環境整潔乾淨， 冷氣足， 檯與檯之間適量距離，仲有日本電視節目睇，好親切。前菜前菜三點，樣樣都好吸引，打開了胃口。Sapporo 生啤 放工去啤一啤，所有煩惱都拋諸腦後，去居酒屋最開心就係飲啤酒食串燒，大大杯冰凍Sapporo 生啤 ，睇見都開心，爆爽！炸池魚仔 我最愛嘅炸池魚仔 ，外層炸得好脆口，味道好鮮甜，好有魚的鮮味，配蛋黃醬，好有驚喜，好清新，好夾！瘋狂食咗一碟！西班牙橡木豬肋骨肉串 關於串燒，當然我樣樣都想叫嚟試下，但我胃口有限，最後揀咗西班牙橡木豬肋骨肉串，西班牙的橡木豬肋骨肉特別肥美，咬落多肉汁，帶一點焦香，味道非常吸引。免治雞肉串 自製免治雞肉串沾上月見蛋汁，一串二食，甚為吸引。最重要雞肉清甜，吃上蛋汁又另有一番風味。大根味噌煮牛根 這裏的一品料理款式真係勁多，當然要看特別小小嘅試吓，大根味噌煮牛根幾有創意特色，牛筋爽彈，都幾正 ！大根吸收晒味噌汁，真係要試一試！豚肉芝士年糕 芝士年糕 口感軟糯，豚肉外脆內軟，豐富口感，非常吸引，簡單滿有肉香，鮮甜味十足