秋田浜燒食堂

营业中

休息中

今晚同朋友黎到尖沙咀天文臺道呢間新既秋田浜燒食堂dinner，入面主打串燒同燒海鮮。餐廳空間都幾大，唔會好侷促，可以同朋友舒舒服服咁慢食住傾。餐廳做緊promotion, 所有雞肉串燒買一送一，好抵食！邪惡燒雞皮，燒得乾身同脆口，食落唔會好油膩同成口雞油，大大減低罪惡感。手打雞絞肉棒會配上特製醬汁，甜醬油汁上打上一粒生雞蛋。雞絞肉棒既肉唔會過實，沾上特製醬汁令味道更突出，係神來之筆!燒雞腿點肉串同蔥雞串雞肉嫩滑，蔥雞串既大蔥唔會燒過火仲帶點爽脆同淡淡蔥味。厚切利久牛舌好重牛香味，面且肉質厚切有口感，加上小小黑胡椒係牛舌上👍🏻餐廳推介必點人氣味噌甲羅燒，蟹糕上打上鵪鶉蛋再係燒爐上加熱，令蟹糕質感更香濃，再配上燒過既米通味道好夾。而且燒蟹既過程蟹殻香味不斷飄出，好香！藍鰭呑拿雜錦魚生丼大大份，角切魚生份量好多，除藍鰭呑拿魚外，有三文魚，油甘魚同蝦。魚生顏色唔會暗啞有光澤睇很出係新鮮。壽司醋飯唔會過酸，珍珠米飯粒分明有咬口。鰻魚飯鰻魚燒很香脆，配上鰻魚汁好滿足。炸雞軟骨大大份香脆不過不失總括成餐飯都好滿足，飽到反艇，食物味道各方面都好滿意。每人二百幾蚊，抵食!