巴巴串 (已結業)

第一次去呢種串燒店，體驗新鮮，不過食落就唔太過癮。單以食物而言都算種類豐富，有魚有肉有瓜菜，其他熟食飲品甜品都唔少。部分食物都唔錯，例如有一款牛肉幾有肉味，所有嘢都新鮮冇雪味，大大件啖啖肉唔孤寒，食物質素算唔錯。但睇相有蝦，是晚就唔覺有，有點失望。但係食呢啲原來要有策略先得。佢個爐嘅設計都幾失敗，可能計錯數，啲一串串嘢成日 kick 埋一齊，本應自動轉就變咗唔識轉。玩咗一大輪之後，無奈試吓隔行放，產能減半都算，原來下面個網都係 kick 住，隔唔隔行都係唔識轉，結果都係要靠手動去燒。燒烤需時，時間已經過咗近半，每人都只係幾串落肚，咁唔係辦法，於是拆晒啲肉落個網度燒，當堂成個賣點冇晒，串燒變咗網燒。如果唔介意呢一點，冇得玩轉轉串燒，都可以一試嘅。