芝加哥串燒酒場 (太和中心)

好耐冇食串燒於是就搵間黃店食，門口有文宣仲有pepe公仔。成個環境係bar and chill既感覺，音樂好正夠大聲，menu不論飲品定食物選擇都好多，串燒全部都好惹味，羊架7成熟煙韌度剛剛好，羊肉不羶又唔嚡，雞軟骨配埋檸檬汁調味，酸酸鹹鹹好味，韭菜串有埋孜然粉仲有唔同辣度揀又惹味，中意佢細細條唔會好大棵，入味啲，海鮮就試左香蒜燒聖子，都幾大條，仲有原條蒜香茄子好香好好食，牛油燒帶子就有好香濃牛油味，最令我驚喜係68蚊3隻燒鮑魚！超彈牙！又易咬！唔洗驚咬唔開！下次一定要試下佢個啤酒放題同生蠔！