寮居酒屋 (已結業)

呢間小店係西灣河嘅一個小巷入邊，同地鐵站有一段嘅距離，要行一段時間先嚟到。嚟到嘅時候就嚟兩點，所以冇乜食客，店員先得閒幫我哋整串燒，真係好彩。🤤叉燒烏冬嘅湯底係堅魚湯，淡淡魚香冇加味精，烏冬煙韌唔會煮得過淋，叉燒燒得非常焦香，油脂都迫晒出嚟，入口即溶，係非常出色嘅叉燒。 🍜 佢嘅串燒即叫即燒，大部份嘅價錢都好平，樣樣睇落都燒得剛好，爐火控制有技巧，唔會太燶！ 🔥 👍🏻 當中我最鍾意嘅係佢嘅燒蠔，有蒜香得來又唔會搶咗蠔嘅鮮味，而且生蠔好肥美，又唔會有腥味！🦪 另外佢嘅豬肉荔枝串都好特別，荔枝嘅果汁係我一咬開嘅時候就爆出黎，然後配上煙肉嘅油脂，可以中和佢嘅油膩，但又食到煙肉嘅鹹香。 🐷🍒佢其餘嗰啲燒雞翼、燒蜜丸、燒牛仔骨等等嘅全消都非常有風味！所以好推薦呢間咁有風味嘅居酒屋🏮!🍻