串Grill 自助燒烤專門店 (廣華街) (已結業)

話說有一日行過香港嘅中心點，基本上香港人絕大部份都會去嘅地方，旺角，成班朋友食飯，佢哋建議自助餐，有啲又話想食啲香口嘅嘢 ，有啲就話想BBQ，但係晚飯時間有咩可能會買到新鮮嘅嘢食呢，於是就想去OpenRice睇吓有冇一啲食串燒特別出色嘅餐廳，又可以係咁嗌都得，結果我哋搵到近旺角有一間叫做串叫嘅餐廳聽聞都幾出色，所以成班朋友就衝過去試吓先，一入到去已經有笑容滿面嘅接待員招呼坐低冇幾耐就可以自己點嘢食，重點係佢哋會介紹一下, 個爐係點樣用，服務真係唔錯，基本上你諗到嘅串燒都有齊晒，佢哋仲有啲好得意嘅圍裙比你用，保證你唔會整污糟件衫，由於我幾鍾意飲酒，所以就嗌咗1664，基本上佢個爐係最新式嘅，因為佢會自動將你啲全消不停咁 *轉*，所以燒得好均勻，你預要燒一轉可以擺到12支嘢食，大概7至10分鐘就食得，雞牛羊豬都有齊晒，連我最鍾意食嘅墨魚仔都有，基本上主要嘅醬汁都有齊晒，你鍾意嘅可以混醬到得，成班朋友最緊要食得開心，嚟到呢間餐廳就真係冇介紹錯，最後循例上都要講吓呢間餐廳嘅CP值，已100分為滿分，起碼值92分以上，即係話最近呢半年只有呢間餐廳能夠喺我手上攞到90分以上，好啦今次介紹又係咁多先