串串燒 by Season (已結業)

收工同朋友食飯，佢約我去呢間旺角嘅 串燒店 ，話有好嘢食，估唔到咁有驚喜。串燒店入面竟然都有生蠔食，係咪真㗎？而且價錢仲要咁平民咁貼地。嗌咗款法國生蠔同南非生蠔， 店員認真冇介紹錯，生蠔新鮮又有海水味，食落隻隻都咁肥美咁飽滿。另外我哋仲叫咗好多款串燒， 例如： 牛柳、豚肉 、白鱔、 燒菠蘿、茄子等。牛肉串燒好香口，好有肉味，但係唔會肥膩 白鱔咬落好香脆，食落脆卜卜，好似食緊炸魚皮咁。燒菠蘿夠曬香甜，清新嘅菠蘿汁同肉類好夾。茄子原條燒，加埋啲好香嘅孜然粉，少少辣，食落好惹味。最後仲叫咗日本生啤同埋柚子茶汽水， 今餐真係大滿足。