芝加哥串燒酒場 (太和中心)

串燒加美酒,最佳配搭串燒係呢度既招牌美食,就算疫情下都好多人排隊等位食飯加飲酒串燒種類非常多,包括有新鮮海鮮,蔬菜,牛肉,豬,雞肉等等酒類多不勝數,由日本酒到手工啤酒到調酒都有幾十款以上選擇我地一人點左一杯飲住先,清新之選MOJITO 如果檸味再濃D會更好飲,純粹個人喜歡酸少少另外叫左支日本酒,入口似果汁好香甜順口所有訂單都係即點即燒,大約等15分鐘就會上菜我地叫左燒鵝肝,燒芝士大啡菇,燒釀雞翼 ,牛肉棒先講鵝肝,上左一層粉包住佢再燒,等油脂唔會燒乾,食起黎仍然香口,多了一點脆感,夠油香雞翼好辣,啖啖肉,食得過引,好味道呢度最正係佢既芝士燒物,超多芝士包住,加埋提味既黑松露醬,不單美味,香味豐富,連賣相都吸引最估唔到連玉子燒都可以拎去燒,燒完同平時食既完全唔同感覺,脆脆地既口感,甜味蛋味更濃縮