烏蠅館 (永榮樓) (已結業)

比起一般嘅打邊爐，我個人更加鍾意去食烤魚，因為烤魚可以食到勁大條魚，然後個湯底亦都可以繼續拎嚟打邊爐。特別係一間烏蠅館佢有清江魚，真係超好食，清江魚嘅肉質好厚實，而且比較少骨，可以啖啖肉，唔驚有好多細骨阻住自己食嘢。而且佢嘅湯底有得減鹽減油，比較健康。而且佢嘅麻辣湯底可以自己嗌唔同辣度，就算叫個10小辣都OK。而且佢哋依排新推出咗雞皮串燒，脆卜卜好好食，而且價錢兩串先$15。另外我特別鍾意佢嘅薯仔粉，因為煮完之後會晶瑩剔透朔晒湯汁好入味，而且口感煙韌彈牙係我最鍾意嘅火鍋煮食當然呢度嘅飲品選擇都非常之多，我就叫咗個哈密瓜波波，哈密瓜味夠重，而且啲波波好彈牙，我個人都幾鍾意。