芝加哥串燒酒場 (太和中心)

今日同太太去左芝加哥串燒酒場 Dragon BBQ Bar（太和中心），試食左幾樣串燒食物。首先一行入餐廳，燈光比較暗，播放住流行曲，感覺都幾舒服同放鬆。咁我們一坐低，我就叫左 beer 嘆下！跟住我們就叫左幾樣串燒，分別係牛扒、 黑松露 新鮮燒帶子、燒茄子、燒生蠔、金菇肥牛卷、燒雞皮、燒雞腎同燒 菠蘿。首先牛扒燒得唔錯，7-8成熟岩岩好，食洛去又唔會太熟，好好味；燒帶子好新鮮加上黑松露十分夾；跟住等左一陣後，其餘串燒都黎到，好明顯呢d串燒都係新鮮燒的，因為都要等一陣，所以一定唔係燒定放係到的；我同太太最鍾意係燒蠔同茄子，超好食；燒雞腎燒得剛剛好，好爽，燒雞皮好脆好香；燒金菇肥牛卷大至同其他店舖都一樣，最後仲有個燒菠蘿好香好甜，幾好食。另外仲有好多款串燒都未叫過，所以下次可以再黎！