禮 (打鼓嶺道)

营业中

休息中

又去發掘新小店，見到九龍城有間日式料理主打串燒，門面裝修好有日式風格，就入咗去試。餐廳唔算好大，入面以木系為主。餐單有多款串燒選擇，我哋叫咗不同款式試下。燒秋葵有用醬汁燒，食落幾爽口。汁燒紫菜飯團🍙紫菜新鮮，飯團好大嚿，有燒過嘅香。厚切牛舌比較重牛舌味，而且偏厚，咬落去有口感，味道尚算不錯。煙肉珍珠蠔，煙肉幾香口，入面細細隻蠔，咬落去都幾juicy。另外清酒煮蜆，蜆唔算好甜，不過清酒🍶味夠濃，好似飲緊酒咁。雞軟骨我通常食串燒都會叫，呢個咬落爽口；鹹蛋豚肉卷，鹹蛋味唔算好出，有少少鹹蛋黃味，肉串都唔算整得老，不錯呀！