芝加哥串燒酒場 (太和中心)

之前係社交平台見到佢地有個8％啤酒挑戰，比佢地吸引左即刻想黎玩玩😂客人如果1個鐘頭內飲到5杯就可以全部免費😂當然挑戰失敗，但啤酒黎講係幾好飲，酒精味濃少少啦但入口都有啲甜，自己全晚慢慢飲3杯都頂盡😂串燒質素好高質，選擇好多，蔬菜海鮮豬牛雞全齊，仲有388酒精放題，鹽燒雞軟骨好好食，調味啱啱好，忍唔住叫多2串，黑松露炸薯條即叫即炸，係厚身有口感個隻，唔係m記個啲，黑松露醬味道濃郁，想食飽啲可以叫佢啲主菜，推薦燒黑松露帶子珠珠飯，燒雞翅包飯外面好少見，但好惹味，一啖食正呀，羊肉串完全唔羶，配孜然粉好味👍