串串金 - 串燒 x 菓茶 (已結業)

今日經開旺角洗衣街，見到有間串燒店，本身自己唔係學生，個老闆娘超好人，拖住仔仔都可以享有學生優惠，全張張單有7折我叫左一份雞翼、一串雞軟骨、一串花枝丸、一份魷魚鬚、一杯洋甘菊冷泡茶和一杯芒果沙冰。一份雞翼有三隻，外脆內juicy，好入味，好好食，我一個人食曬。雞軟骨燒到剛剛好，脆脆地，有椒鹽味，好正。魷魚鬚就真係極力推介，小小辣、小小甜、好惹味，叫完係好想再叫至於花枝丸和芒果沙冰比仔仔食，佢話沙冰好好飲。洋甘菊冷泡茶好有茶香、無糖啱晒我。下次一定要來食，試吓其他食品！