影片
更多
2025-08-10
0 浏览
見呢間串燒店咁多好評，滿懷期待黎同朋友食，一齊叫左間2人餐再散叫，不過最後失望而回，未試過幫襯串燒店係會食剩野。首先，串燒一穫熟拎出黎，心諗燒得咁快既，食落有d唔夠熱，而且有種燒定翻熱既感覺，加埋一次過出哂真係好快成碟凍哂，成件事好唔新鮮。第二，d調味粉太重口味，真係食到一半冇胃口再食落去。唯一我地覺得好食既係有蜜糖味既鵝肝多士。第三，環境衛生建議改善，地下油淋淋，行去廁所好滑，仲見到倒瀉既汁/飲品未有清潔。第四，個麻辣煮花螺似烚咗啲花螺之後加汁，唔入味，仲有吉列炸蠔，雖然知道$28/3隻都不能太大期望，但啲炸粉實在太厚，口感好差。第五，職員成晚都皺眉黑面，樓面傳菜收錢一腳踢，可能工作壓力太大？俾人一種唔想做既感覺，不過同我地對答態度還好，至少冇令我地有hard feeling。總括黎講，唔會再幫襯第二次了。
首先，串燒一穫熟拎出黎，心諗燒得咁快既，食落有d唔夠熱，而且有種燒定翻熱既感覺，加埋一次過出哂真係好快成碟凍哂，成件事好唔新鮮。
第二，d調味粉太重口味，真係食到一半冇胃口再食落去。唯一我地覺得好食既係有蜜糖味既鵝肝多士。
第三，環境衛生建議改善，地下油淋淋，行去廁所好滑，仲見到倒瀉既汁/飲品未有清潔。
第四，個麻辣煮花螺似烚咗啲花螺之後加汁，唔入味，仲有吉列炸蠔，雖然知道$28/3隻都不能太大期望，但啲炸粉實在太厚，口感好差。
第五，職員成晚都皺眉黑面，樓面傳菜收錢一腳踢，可能工作壓力太大？俾人一種唔想做既感覺，不過同我地對答態度還好，至少冇令我地有hard feeling。
總括黎講，唔會再幫襯第二次了。
张贴