串燒屋

营业中

休息中

隔咗一排冇食燒烤今日專登嚟觀塘呢間串燒屋試一試佢！最出名嘅就係佢嘅懶人燒烤架，佢所有食材都會套上鐵箴只要擺喺個燒烤架上面佢就會自動轉去幫你均勻地燒烤每一樣嘢，等大約5至10分鐘就已經可以食，另外枱面上邊有好多唔同嘅配料可以俾你調味，出邊亦都有一啲自助飲品我自己最欣賞嘅係佢自家製嘅涼茶，因為食燒烤都比較熱氣🥶我自己揀咗洛神花山楂茶，佢仲有寫到係可以抗氧化美顏😂 跟住每一日餐廳都會有是日精選，例如我嗰日就有清酒煮蜆，羊架等等 而且佢除咗串燒之外仲可以有網燒，即係好似牛角咁一塊塊，我自己覺得佢嘅牛肉切得都幾靚丸類我自己推介返台灣腸，會爆汁！唔使加調味料都好好食😋因為我好肚餓嘅關係想去快啲有熟食，所以我都嗌咗佢哋好多炸物，自己當然最鍾意嘅係炸薯條同埋香煎炸雞翼，炸榴槤波波，炸薯餅，炸餃子🥟等等。雖然佢比較熱氣但係係好食既。餐廳員工嘅服務態度都好好，感覺好似係做街坊生意多，好多後生仔食，見佢哋叫到成枱都係，$200瘋狂食肉，其實都抵食。