一杯屋 (已結業)

一杯屋，聽個名已經覺得好有日本風格，餐廳裝修更加符合日式居酒屋既味道。聽朋友講做緊優惠，星期日至四串燒買一送一，岩晒我呢啲超級鍾意串燒既人。餐牌既食物種類非常多，一定有大家岩食既野同食得飽既野。今晚試左幾樣覺得味道都相當唔錯，包括有鹽燒池魚，平時池魚做刺身比較常見，但用鹽去燒帶出左池魚既鮮味，對我黎講比較新穎既菜式。串燒佢燒好會即刻上，可以食到新鮮滾熱辣既味道，個雞小肉個名好可愛，食落好多肉汁，平時對雞肉麻麻地既我覺得好好食。