Jan Jan 串揚專門店 (尊豪坊) (已結業)

點咗幾款串揚，炸蛋、炸洋蔥、炸露筍、免治鴨胸、北海道帶子等全部都處理得好專業。每款嘅調味都唔同，係有花心機去研究，唔會款款食材都係同一隻味。炸皮漿非常薄，食得多都真係唔會滯呀。我哋都有食串燒嘅，燒牛舌、燒冬菇、燒雞肉丸味道都好好，不過始終都覺得串揚較為出色，可能因為太少餐廳有得食。order咗凍嘅sake，無論配搭串燒或者串揚都好啱口味，如果想再減低油膩感，可以揀辛口D嘅，不過我就鍾意較為甘口架啦。餐廳入面氣氛都唔錯，好似日本居酒屋咁，交通又方便，鍾意食香口炸物嘅我，一D會再嚟啦。