影片
更多
2019-06-14
69 浏览
阿女考哂試啦，悶左成個星期，我要發洩，我要食辣辣辣~ 同老公去左試呢間係廣華街的「爆汗串串」 淨係聽個名就已經成幅圖出哂黎~ 辣到爆汗既樣XD小店地方不太大，兩排枱，一眼望哂，不過在有限既地方都花左唔少心思~ 呢幅好富現代感的黃色漫畫牆，令成個店都年輕化左，添增左唔少活力另一邊牆同樣掛上了唔少同風格的設計最有心思既，當然係呢個自家紙巾盒啦，襯番一套架~ 隔離枱真係係咁爆汗係咁搽，呢盒紙巾真係好有用架~XD呢度既位置唔太多，但店主都好貼心咁提供個藤籃俾大家放野~小店係放題形式，百幾蚊，價錢夠街坊 加多30蚊可以任飲各種飲品，我試左個銀菊露，幾有阿媽煲既感覺, 真材實料~ 當然，仲有罐裝同枝裝飲品，茅根竹蔗就係枝裝飲品黎加$20更有5款小食任食 右面個頁個D就係放題全包的，可以任揀 仲包埋下面既麵添~揀左3款小食 青瓜夠哂凍同爽，食到好辣時食番舊仲可以清清味蕾，真係必點呀~鐘水餃，開始睇名唔知咩黎，原來係我地平時叫開既燕餃 配上麻辣汁非常惹味好食呀~ 最鐘意佢加入左D芫茜，辣之餘仲有D香菜既香味~另一個麻辣千層肚，最LIKE佢有超多芽菜，而且係銀芽，唔使食到成口根
同老公去左試呢間係廣華街的「爆汗串串」
淨係聽個名就已經成幅圖出哂黎~ 辣到爆汗既樣XD
小店地方不太大，兩排枱，一眼望哂，不過在有限既地方都花左唔少心思~呢幅好富現代感的黃色漫畫牆，令成個店都年輕化左，添增左唔少活力
另一邊牆同樣掛上了唔少同風格的設計
最有心思既，當然係呢個自家紙巾盒啦，襯番一套架~隔離枱真係係咁爆汗係咁搽，呢盒紙巾真係好有用架~XD
呢度既位置唔太多，但店主都好貼心咁提供個藤籃俾大家放野~
小店係放題形式，百幾蚊，價錢夠街坊加多30蚊可以任飲各種飲品，我試左個銀菊露，幾有阿媽煲既感覺, 真材實料~
當然，仲有罐裝同枝裝飲品，茅根竹蔗就係枝裝飲品黎
加$20更有5款小食任食右面個頁個D就係放題全包的，可以任揀
仲包埋下面既麵添~
揀左3款小食青瓜夠哂凍同爽，食到好辣時食番舊仲可以清清味蕾，真係必點呀~
鐘水餃，開始睇名唔知咩黎，原來係我地平時叫開既燕餃配上麻辣汁非常惹味好食呀~
最鐘意佢加入左D芫茜，辣之餘仲有D香菜既香味~
另一個麻辣千層肚，最LIKE佢有超多芽菜，而且係銀芽，唔使食到成口根呢個千層肚，我覺得係牛栢葉啦，唔係平時既牛肚，不過好食就OK啦
唯一唔LIKE係個菜唔熱又唔凍，唔知想點。
我既串串上黎啦，因為第一次叫，唔敢叫太多，所以無人地打咭個D咁震撼~(題外話，見到鄰枱一行4 (人) 叫左一座山，但最後半座山無食就走了，非常浪費，亦好心痛
點解要浪費食物？？？？？)
呢度既串串食物其實就係平時既打邊爐常見的食物
丸呀，菜呀，腸呀之類。但用左呢一個方法黎整~
靈魂其實係個麻辣湯底啦~
湯底係四川美味湯底，特別從成都運來多種香料炮製！有香葉、草果、桂皮、丁香、紅花椒、印度椒、八角等十二種配料，先用熱油炒香，再加入豬骨、雞骨各十斤加入清湯熬製五小時，另外再加成都秘製辣椒油而成。我幾LIKE個湯底，因為佢辣得黎有層次，有香氣，而且唔會辣到食唔到
一路食，係辣既，但辣得黎飲2啖野，又可以再食過，唔會辣到食唔得落去個種
呢個真係非常重要~XD 試過食麻辣火鍋，辣到苦，根本食唔到~
介紹下配料當中我既推介先
蓮藕配麻辣真係絕配 (平時我其實唔太食蓮藕的呀)
呢度既蓮藕薄切，爽口，辣得黎又帶點清甜~
另一款介紹的，係小店叫"陀陀餐肉" 的，我覺得係午餐肉啦配上呢個麻辣湯，變得更好味，我order了2轉s
叫了豆卜，怎樣係咁呢款咁細的四方豆卜，不是平時見那種超索味的？
以為自己叫錯，叫多一次，都係呢個樣，可能呢款係成都人既豆卜黎~
呢一樣係花枝丸，呢個花枝丸非常實淨，好彈牙~
蘿蔔切到細舊，有D唔夠喉~ 我LIKE 大大嚿既蘿蔔慢慢咬~XD
腐皮又係麻辣必食的呀，索哂D汁，超級正
肉的話有牛肉同五花肉揀，這個牛肉我麻麻LIKE，感覺太淋了~食完既竹籤記得放番係呢個筒入面呀~
第二輪叫了呢個豬骨湯底的麵~麵條好滑溜，本黎諗住清清地食個麵，但最後都係加番個麻湯底先夠過癮，麵係麻辣湯底非常夾呀，記得要一試呀~
第二轉，姐姐會將串串煮好，拎出黎放入原本的湯底度感覺好似第一轉熱辣辣開心D~
難怪好多人首轉都叫左一大碗慢慢食~
呢個好搞笑既，原來就係成都小香腸，但其實係廣東既臘腸我自己就麻麻地，因為都幾多肥膏，愛食臘腸的要試一試呀~
张贴
