蒙麵車仔麵 (已搬遷) 新店位置

利申：平時都係外賣自取，幫襯左好多次，食物係好好食好抵讚。正題開始，都聽聞呢間鋪頭係食物好同埋老闆串嘴出名，今日真係領教了，話說我交外賣單到窗口，平時收單個姐姐唔係位，老闆係個位度，講左句「唔該，想問下要等大概幾多分鐘？」（語氣唔係命令式，係緩和嘅語氣）跟住遞張單出黎，個老闆望一樣，話唔想等咪唔好食咯（巴巴閉閉嘅語氣），跟住冇接我張單，跟住我問佢「係咪問下都唔得？」 佢就好講野，直接走左佢。最後個姐姐行過黎收我張單。講返自己感受，串唔係問題，但係冇禮貌冇家教就真係接受唔到，況且我係問幾多分鐘可以拿，佢唔知可以講「等多陣啦」，而唔係預設左你係唔等得佢啲食物，建基於老闆自己嘅想法而串，呢個就真係為串而串，係好冇家教。