Fun Fun 串串鍋 (已結業)

今日呢間火鍋店，位於旺角鬧市，估唔到臨近旺角地鐵站但價錢好實惠。仲有學生優惠，所以現場可見年輕食客居多。室內環境寬敞，以放題型式任飲任食。自取食物兩區，左邊是用夾。右邊係串串。食物一盆盆分别放在食物凍櫃上，某些用竹簽串好一串串。例如:金菇肥牛串、雞腎串、鮮魷串、羊肉串、雞翼串、紅腸串⋯⋯某些係一盆盆用夾自取。例如鮑魚菇，粟米，丸類，菜類，雞肉腸、蟹柳條，午餐肉，螺⋯⋯⋯另外有啲係自選嘅，自己畫紙仔，再由廚房執料送上枱。飲品欄都有三個大雪櫃咁多，啤酒就要自費$28/支。特別難忘嘅就係呢個芫茜串串牛，由一塊本地手切牛肉包住芫茜串成一串，放入火鍋爐滾熟咗之後，一串一口帶來滿口芫荽味混合肉的鮮味，非常滿足。成為全場熱點。