二師兄 (已結業)

服務好，裝修靚，坐得舒服，野食靚。一坐低就俾3.6炒蛋吸引左😂 好食喎！雞扒皮脆又冇雪味，奶油豬我攤凍左都仲好脆，煉奶份量岩岩好，係個炒蛋有少少殼，唔影響整體好印象。個通粉都好好味：湯真係好濃，唔係求其罐頭羅宋湯就算，牛肉都多，但我略嫌佢太大塊，好多蔬菜，通粉係條狀果隻，好煙韌，唔會煲都林晒，100分！另外同事叫左泰式肉碎煎蛋飯。呢間餐廳又有即炒意粉，是日係卡邦尼炒意炒，樣子味道都好好，中西合璧茶餐廳果然係會多啲花款。