味苑 (已結業)

荃灣廣場-附近近又發現好野，大霸街一向多地舖食肆，朋友提議食中式料理，經過呢間餐廳，遠遠見到掛出明爐燒味，啱哂可車。入到去發现唔少家庭聚會，應該小菜飯局，合家相宜。樓底高，燈飾光猛。我地叫咗味苑海鮮夜，可以自由配搭燻蹄同海哲雙拼作為前菜，味道不錯，較為特別有麻油香味本身揀炒蜆，不過賣哂，我地挑選咗士多啤梨骨，味道好好呀，甜甜的士多啤梨味，十分配合今晩重頭戲主角，五色胡椒炒蟹，色香味俱全，蟹肉新鮮，正！最後，重有一碟炒牛河同有湯水送，呢個餐抵食。