砂煲兄弟 (東港城) (已結業)

住得係坑口，厚德商場、東港城、連理街、南豐廣場呢d都係我必到嘅食堂，自從有次去東港城諗住響中銀入錢，驚見中銀汁左，貼哂廣告話有新餐廳開，我就一路都捕住睇下有咩野會開。今日終於有機會嘗下鮮，原來呢度開左間砂煲兄弟，茶餐廳是也。餐廳主題以舊港式茶餐廳為主題，餐廳真係左好多砂煲係度做佈置。環環都幾順眼，座位都幾寬敞舒服，可以長坐消磨。望下餐牌，早餐黎講有d小貴，唔知係咪因為係早餐時間，無野同砂煲有關，叫左個A餐轉炒蛋。早餐同餐飲都幾快上檯，通粉大大粒，唔會淋滋滋嘅，係我鐘意食嘅果款通粉。平時食開鮑片火腿通，都會覺得有d甜，佢地加左扎肉做配菜，送入口咸甜剛好。炒蛋不過不失，下次我會叫佢煮生d，腸仔唔鐘意食，咖啡叫左濃d都唔多濃。🤔性價比唔多高，韓樂好食d。