因為銀座真係無野好食.
隔離間 日本北海道刺身壽司 又難食到爆燈, 都仲有人排隊等位先嚇人
------------------------------
講返越富閣越南餐廳先. 呢間又係離奇. 等成3個字先有位. 要同另外PAIR人搭張4人枱.
叫左以下食物:
炸魚餅湯蒙: 蒙粉份量幾大. 湯底味道一般, 唔似越南野. 得三舊薄薄的魚餅 好似打邊爐嗰類野, 唔係平時泰式嗰D魚餅. 麻麻地.
半打沙爹 : 每款要三串, 想三拼都唔比. 要左豬同雞. D肉完全冇味 
冇味到係要睇個肉紋理去分估咩肉. 沙爹醬好難食. 唔知咩醬黎.
豬頸肉米紙卷(唔記得個名): 餡料有一扎蒙粉, 一D青瓜絲, 豬頸肉碎到食唔出. 不過佢個酸甜汁幾好食. 我地當素米紙卷咁食.
馬拉盞炒芥蘭: 味道幾好. 不過食左2/3 碟發現一隻2CM長嘅曱甴 .
由於我地搭枱, 又只想食飽個肚, 只係叫左個阿姐埋黎, 話有隻野, 叫佢取消碟野. 佢講左聲對唔住.
永久BLACKLIST, 唔會再黎!
