意樂餐廳 (新九龍廣場)

营业中

休息中

又係一個人食午餐既時間，意樂都唔係第一次食，見好耐冇食就今次揀左佢。松露野菌汁焗雞扒飯 $58一上菜就好香，松露香味好突出，上面放有啲節瓜粒做點綴，不過我覺得其實可以唔要。整體嚟講食物唔錯，個焗飯有炒底，飯粒粒分明，味道整體嚟講就係野菌汁，少少菇類嘅味道，帶有鹹味。雞扒都算大塊，厚度正常，唔係薄切型雞扒。 另外天時熱叫咗杯特飲，滋味芒果啫喱冰冰。雖然或多或少都有增味劑或者糖漿，但係呢杯嘢都幾好飲，最緊要係佢夠凍，好適合天氣熱嘅時候飲。