綠怡咖啡廳

营业中

休息中

今晚帶家人來呢度試吓。由於好耐之前試過一次，味道強差人意，所以都唔帶特別期望。原來直接喺官網買，有六折。一位長者，一位成人，都係$800左右。今時今日，呢個價錢都算合理。由於有長者，所以餐廳安排咗近食物區，都幾細心。想讚一讚，聽電話同埋門口接待嗰位姐姐，真係好有禮貌。電話預約嘅時候應該都係佢聽，解釋得好清楚，來到見到佢都覺得好友善同親切。食物方面，今期係 生蠔+燕窩龍蝦主題。生蠔同開邊龍蝦都係無限次攞，雖然生蠔size唔算好大，都算幾新鮮，但開邊龍蝦就普普通通。食物選擇亦都唔算太少。有出爐乳豬、焗三文魚菠菜批。不過甜品就有點遜色.. 但係啫喱糖就幾好食覺得今次都有幾多海鮮嘅選擇。羊架都唔錯蒜蓉焗龍蝦有點Overcooked。唯一感覺唔係太良好嘅係刺身區嗰位姨姨，係我第二次去攞三文魚嘅時候，態度唔係好友善。見佢明明攞起一件肥美的預備切，但佢換另一件扁扁的切給我都係四片啫。(上圖係第一次攞的）除咗呢一樣嘢之外，總括嚟講我覺得都算中規中矩，合格。其餘嘅員工都很有禮貌，服務不錯。