今日走去同阿媽走訪旺角食飯, 唔知食乜好, 就去朗豪坊求其搵一間. 去到FOOD COURT, 我地走左入南小館試下.
首先叫左我每次食上海菜必叫既雞絲粉皮, 呢度菜個味有d怪, 食落酸酸地咁, 起初我仲以為係變壞左, 但呢度既侍應話唔係, 係呢到既煮法係要加醋, 我真係第一次食, 不過D雞絲都有d唔新鮮囉, 肉質有D梅.....
另外叫左小籠包, 保持水準, 湯夠多, 餡料又夠熱, 而且豬肉味都幾鮮
另外我見到佢有一個季節限定食品, 叫做黑松露蘑菇包, 個樣真係好得意, 真係好似一隻冬菇咁樣, 但其實佢成個飽連埋個年冬菇椗都係用飽做出來的, 餡料全都係蘑菇, 仲有好香既黑松露味, 熱辣辣, 好鬆軟, 呢個真係好得值得推介!
