西貢越南真味

营业中

休息中

口痕想食下午茶，近日天氣又轉涼，成日都想食碗熱湯麵。食得太多泰國船麵今次不如試下越南生牛肉河，於是入左嚟間裝修似靚靚仔仔嘅Saigon Pho。裝修正常，舒服，起碼唔up dup先。唔洗五十蚊有牛肉河有野飲，都抵嘅! 不過越南生熟牛肉河係沒有生的元素，只有非常熟，湯底唔濃勝在少味精，想飽肚係可以食下醫肚。朋友點嘅蝦蟹湯濛反而個湯底飲落幾舒服，有蝦和豬肉撈埋既肉丸，連埋d扎肉同蝦，全場最欣賞呢樣野。另外叫左嘅香茅豬扒包非常港式，裡面有番茄和青瓜，豬扒係醃得同炸得幾香嘅。下午茶算係幾抵食。