老媽拌麵 (屯門市廣場1期) (已結業)

今次同frd去屯門選咗台灣菜食講到老媽拌麵嘅招牌當然就緊係拌麵啦～同朋友點咗推介嘅川味紅燒三寶牛肉麵同私房花雕雞拌麵，仲有2杯飲品，分別係老媽黑糖珍珠鮮奶同冬瓜檸檬先講牛肉麵牛肉麵相對拌麵就顯得有啲普通湯嚟講都飲得出有牛肉味而湯係偏咸有少少辣，所以食耐咗都需要飲嘢調節番而麵方面 ，我個人覺得麵係煮得偏腍 無乜咬口 所以鍾意煙韌派嘅我就無咁好呢種麵底而三寶方面，份量上都好夠食，每樣都有2、3舊餸。牛肉就唔係煮到好冧，仲有少少硬，牛肚都係正正常常無乜特別，相對牛根比較入味好食，但整體上牛肉麵都無乜出眾嘅地方！比較失望係蘿蔔，都幾明顯食得出係滾水淥完再浸一下放上去，因為完全無入味，所以真係唔太好食。而花雕雞拌麵就相對好食（可能真係因為sell拌麵）花雕味夠濃、雞同麵嘅份量都好足夠，男女食都夠飽。雞蛋方面都有腌過所以都ok，可惜位就係擺盤上相對無咁靚同麵都係偏腍而野飲方面個人覺得都係普通出面台灣茶飲味道 正常無特別 所以唔多評論啦整體上對老媽拌麵嘅評價都係不過不失，推薦拌麵多過湯麵，間唔中食一次都okay嘅！