青花汾 (已結業)

中環街市活化後，開左好多食肆，今日星期六下午要加班，同事就去買外賣，呢間青花汾主打山西刀削麵、藥膳罐湯拉麵、自家製水餃及雲吞、小菜、涼菜、點心和甜品。上海小籠包(4粒)：小籠包餡料飽滿，咬下去肉香美味無比，湯汁爭先恐後地湧出來，配上最佳組合醬油醋，味道相得益彰。京式蔥油餅：煎到金黃色，外脆內軟，沒有油膩感，每一啖都食到香蔥，十分香口，餅皮層層叠叠，層次感豐富。寧波醉雞半隻：一開蓋見到有成隻雞脾，心情興奮，入口花雕酒香濃郁，雞肉醃得非常入味，肉質嫩滑，雞皮超爽口，滿滿骨膠原。招牌風味冷麵：有5款配料可選，我揀左牛肉絲，配上青瓜絲，撈埋麵質光滑柔軟既拉麵和餐廳自家調配既醬汁，真係好滋味。總結，小店位置方便，食物即叫即做，味道唔錯，值得推介。