Goldfinch (已結業)

呢度既落地大玻璃外面就係樹蔭同長樓梯 環境清幽 店舖畫左雀仔係牆上 俾人係好休閒舒適嘅環境中用膳 🌳🦜睇到menu先知原來呢度係食中西fusion 法國菜 食材配搭新鮮 細味品嘗 比到好多驚喜我地呀平時既長通粉大多數都係配白汁忌廉 呢個《哆頭聖子長通粉》咬落就係滿口既花雕雞油味 加埋肥美既聖子都吸收晒花雕雞汁 令整體既鮮味提升 意外地好食呀 聖子嘅份量都幾多 好值得一試👍🏻👍🏻👍🏻食牛最怕嘅就係咬唔爛啲牛肉 煎得唔好就浪費曬成塊牛嘛 我哋叫嘅《封門柳》肉質比較瘦 脂肪比例較少 但難得淋身 就算係有根既部位都好容易入口 配上韭菜青醬 整體都非常之唔錯 配菜方面 有脆口嘅羽衣甘藍 杏鮑菇 同漬本菇 《桂花cream brûlée 🌼》做得好細滑 好似食緊雪糕咁 每一啖都有桂花既清香係個口度融開 慢慢散發出去 好鐘意呢種清甜唔膩既甜品 ❤️ 成個lunch set 仲包湯或沙律：《牛蒡味噌濃湯》｜《水耕菜沙律茶葉蛋及合桃》都係秉承左創新既風格 一點都唔馬虎