金記冰室 (屯門時代廣場北翼) (已結業)

係屯門市中心有好多嘢食，度度都咁多人，係地面街舖好幾間餐廳，諗緊食邊間，揀咗呢間金記。好，坐低睇下有咩好食先。呢度幾好喎，中西港式咩都有，我反而有啲選擇困難添。無骨海南雞套餐，配油飯，仲有湯，可以揀中或西湯，個羅宋湯都好足料，唔錯。海南雞好滑，無骨真係好正，可以大大啖咬，平時食雞我唔食皮，但呢個雞皮真係好好食，所以我食埋。伴碟仲有花生同兩個醬汁，薑蓉要黎點雞，個甜豉油汁要黎拌飯都唔錯。最後叫咗杯熱菜蜜。