茶餐廳2.0 (已結業)

星期五屋企人冇煮飯，一家4口去左附近間-茶餐廳2.0食晚餐。羊架配黑椒汁 - $168羊架好大塊，肉質細嫩，脂肪較少，有嚼勁。廚師慢火煎，鎖住咗羊肉汁，食落完全唔覺得羶。再將黑椒汁淋落羊架上，滋滋聲，非常之香。孜然一字骨（$78）排骨食落好黏好香口， 孜然粉落得恰到好處，甜甜地配飯一流。而排骨肉質嫩口，咀嚼都唔會牙。芒椰派對（$20）芒果沙冰凍到入心，飲落好香棷汁味，沙冰入面仲有芒果肉，飲落好有層次感同口感。飯後緊係要食甜品嫁啦，難得餐廳有埋甜品嗌，何樂而不為？佢果個雪糕鮮果雞蛋仔甜品（$50）賣相幾好，仲可以自由添加材料，而我就揀左個士多啤梨味，酸酸地又唔會太甜。藍莓芝士蛋糕（$25）蛋糕係硬身嘅，食落有啲藍莓肉，芝士味都好香濃，餅底同上層蛋糕冇分開，做得唔錯。