大馬路海鮮酒家 (已結業)

秋高氣爽當然係郊遊嘅好時候，今次有老人家同行，所以就揀咗去南丫島輕鬆自在遊，感受一下南丫島嘅獨特風情。漫無目的四圍行，行吓行吓去咗南丫島地標 — 發電廠。老人家嗌肚餓要醫肚，正煩緊要拖住佢哋出碼頭搵食嘅時候，見到大～馬～路～！第一眼望落去以為係食西餐，因為門外空地全部都係外國人，個個好chilled 咁嘆啤酒，原來係南丫島划艇會有event，佢哋攪咗個all you can eat，都係啲西人喜歡嘅小食，仲有Prosecco飲！再望入啲居然見到海鮮魚缸，攞餐牌睇吓，咪玩啦，根本就係做中菜🤣🤣🤣 老人家開心哂，立即埋位！結果… 喜出望外，有驚喜喎。菜式都幾多選擇，味道好，而且個廚對每一碟餸嘅presentation 似乎相當講究，唔信可以睇下啲相😂有機會去南丫島可以去試吓。