影片
更多
2024-02-22
1589 浏览
🌟餐廳：君綽軒 📍地址：北角油街23號港島海逸君綽酒店5樓⏰營業時間：星期一至五 12:00 - 14:30 / 18:30 - 22:30 及 星期六日 10:30 - 15:00 / 18:30 - 22:30💰價位：～$200 - $400📱電話：21212691新年放足幾日假，可以同親朋好友拜年聚舊真係好開心！假期完結返到公司努力工作，又係時候約埋同事食返餐開年飯，祈求新一年工作順利，團團圓圓，生意興隆！———————————————————🌟 風生水起 （鮑魚三文魚撈起）🔹講起新春意頭菜式，點少得叫返個風生水起嘅撈起！撈起撈起，撈到風生水起！祝大家都越撈越旺！君綽軒既撈起用料矜貴，材料包羅萬有，有齊鮑魚、三文魚、花膠、青瓜、蜜瓜、琥珀合桃及炸發菜等等，上層仲加左好多閃令令嘅金箔，夠晒搶眼，層次感又十足，有得食又有得玩，超正！🌟 滋補藥膳雞煲🔹冬天天氣特別寒冷乾燥，當然要叫返個滋補嘅藥膳雞煲，補一補身先！一上枱就聞到濃濃嘅藥材香，呢款藥膳雞煲用料十足，除咗有各款滋補藥膳湯底之外，仲加入紅棗、杞子、圓肉等配料，搭配份量十足嘅滑雞件，湯頭特別鮮甜，雞肉亦夠晒嫩滑入味，超推介！🌟 蝦
📍地址：北角油街23號港島海逸君綽酒店5樓
⏰營業時間：星期一至五 12:00 - 14:30 / 18:30 - 22:30 及 星期六日 10:30 - 15:00 / 18:30 - 22:30
💰價位：～$200 - $400
📱電話：21212691
新年放足幾日假，可以同親朋好友拜年聚舊真係好開心！假期完結返到公司努力工作，又係時候約埋同事食返餐開年飯，祈求新一年工作順利，團團圓圓，生意興隆！
———————————————————
🌟 風生水起 （鮑魚三文魚撈起）
🔹講起新春意頭菜式，點少得叫返個風生水起嘅撈起！撈起撈起，撈到風生水起！祝大家都越撈越旺！君綽軒既撈起用料矜貴，材料包羅萬有，有齊鮑魚、三文魚、花膠、青瓜、蜜瓜、琥珀合桃及炸發菜等等，上層仲加左好多閃令令嘅金箔，夠晒搶眼，層次感又十足，有得食又有得玩，超正！
🌟 滋補藥膳雞煲
🔹冬天天氣特別寒冷乾燥，當然要叫返個滋補嘅藥膳雞煲，補一補身先！
一上枱就聞到濃濃嘅藥材香，呢款藥膳雞煲用料十足，除咗有各款滋補藥膳湯底之外，仲加入紅棗、杞子、圓肉等配料，搭配份量十足嘅滑雞件，湯頭特別鮮甜，雞肉亦夠晒嫩滑入味，超推介！
🌟 蝦籽海參柚皮鵝掌煲
🔹經典巧手粵菜菜式，製作過程工序繁複，心機之作！鵝掌以蠔油及鮑魚汁炆至軟腍入味，吸盡冬菇及醬汁既香氣同精華；海參入口Q彈，搭配埋甘香而不苦澀既蝦籽柚皮，擺盤及賣相又夠精緻，值得一試！
🌟 黑椒粉絲大蝦煲
🔹 選材用上超大隻超巨型嘅虎蝦，誠意十足！虎蝦外層香脆惹味，肉質爽彈多汁，重點係用上黑椒調味料超惹味，辣辣地食得好過癮！最後當然唔少得下層嘅粉絲，索滿虎蝦及黑椒嘅精華，啖啖滋味！
🌟 生薑乾逼花尾斑球煲
🔹 用上龍躉花尾班魚入饌，鮮味十足！花尾班球肉質爽彈香滑、入口鮮滑彈牙，配料加入大量薑蓉、乾蔥頭等配料，原汁原味之作！
🌟 古法雙冬黑草羊腩煲
🔹凍凍地，當然要叫埋餐廳招牌菜古法雙冬黑草羊腩煲，咁至夠滿足！
羊腩煲份量十足，餐廳亦好細心逐層擺放羊肉、羊腩、羊腩皮，夠晒工整！羊肉肉厚嫩滑，炆至肉質腍滑而不鬆散；羊腩連皮更令人驚喜，羊皮爽口Q彈無羶味；配料亦有齊冬筍、冬菇、馬蹄及腐竹等經典配菜，大大煲暖笠笠超正！
🌟 鳳凰報喜(鴻運三十年陳皮脆皮炸子雞)
🔹夠晒意頭嘅菜式，脆皮炸子雞皮薄香脆，肉質保持滑嫩juicy，鮮味濃郁。餐廳更加入30年陳皮連同雞肉一同油浸，令雞肉散發出獨特嘅陳皮香氣，夠晒特色！
🌟 生炒臘味糯米飯
🔹賣相精緻得黎香氣十足，糯米飯更用上金黃色嘅蛋皮包住，製作出色！飯粒入口軟糯煙韌，配料亦加入大量臘腸、潤腸及櫻花蝦炒制，口感豐富，食得夠滿足！
🌟 步步高陞 （薑汁黑蔗糖年糕 / 遠年陳皮棗蓉糕）
新正頭當然要食年糕啦，寓意步步高升，意頭十足！
餐廳有齊薑汁黑蔗糖年糕及遠年陳皮棗蓉糕，兩款各有特色，入口軟糯香甜！
我就最鍾意薑汁黑蔗糖年糕，薑汁味突出，入口清新，甜而不膩，為一餐開年飯畫上完美句號。
———————————————————
😋味道：4.5/5
🏢環境：4.5/5
💁🏻♀️服務：4.5/5
💵價錢：4.5/5
🤟🏻性價比：4.5/5
———————————————————
👅整體小總結
君綽軒位於北角港島海逸君綽酒店，中菜水準一向出色，口碑十足！
餐廳裝修瑰麗堂皇，樓底夠晒高，空間感十足～而且用餐環境高貴優雅，重點係落地玻璃坐擁維港夜景，喺呢個環境食飯，氛圍一流！
食物方面，餐廳推出嘅新春開年菜式，意頭十足，各款菜式選材出色，色香味俱全！仲唔快啲約埋一班同事及親朋戚友過嚟食開年飯！
张贴
