阿不 (已結業)

K11內，經過這間「阿不」，記得以前這個位置是食西餐，原來轉了食中餐，佢哋話10分鐘有位，即管一試，食完絕對有驚喜，驚喜是一定再幫襯，晚上除了有中菜，原來有點心叫，但今次我哋只係叫了小菜，下次再試小菜+點心。
我哋5個人，叫了西施蝦球煎米粉、脆皮咕嚕黑豚、蜜棧欖角骨、豉椒炒大竹聖子和金沙蝦球伴蘿蔔糕，全部食晒。
西施蝦球煎米粉：煎米粉唔太乾，煎完連汁令米粉好入味。
脆皮咕嚕黑豚：即咕嚕肉，但佢哋依個黑豚肉咬落好淋好鬆軟。
蜜棧欖角骨：紫菜連蜜汁一起炒，連紫菜都有蜜汁味。
豉椒炒大竹聖子：估唔到佢哋這個聖子咁大隻，下次想叫佢哋用蒜蓉粉絲蒸，我諗要用勁大隻蝶上枱。
金沙蝦球伴蘿蔔糕：蝦夠大隻，蝦和蘿蔔糕都被鹹蛋黃包住，好香鹹蛋黃味。
離開時，同我哋講下次來之前可以訂位，咁就唔使等

西施蝦球煎米粉

蜜棧欖角骨

豉椒炒大竹聖子

金沙蝦球伴蘿蔔糕