影片
更多
2019-02-23
2302 浏览
職員服務態度好， 點菜嘅嘢好快就會上， 價錢又唔貴， 款式呢就係日式嘅邊爐冇中式嘅咁多不過係正常嘅， 環境十分之好， 所以比較多人食 就會有機會排隊呢就排得比較耐， 咁易都有甜品甜品款式係每星期都唔同嘅， 亦都可以自製沙律， 沙律醬唔多一兩款， 嘢飲方面， 其實就好多款式正常嘅都有， 如果汁嘅方面佢有教你點樣去溝果汁， 溝唔溝就見仁見智啦不過我認為有幾款係幾好飲嘅， 身為一個日式嘅火鍋， 牛梗係最重要啦， 嗰度揀牛嘅方法有幾款係分價錢嘅， 咁本人認為呢食一百六十幾蚊左右嗰一個呢就可以， 不過我都食過日本和牛 嘅嗰一個版本， 係比較貴嘅去到三百幾蚊， 兩款牛嘅分別就係牛花同埋牛嘅大細啦， 不過正常都係任叫其實牛嘅大細係唔重要嘅(肥牛)， 我都可以建議如果你哋成日去食嘅話可以整一張會員卡， 當你儲到一定嘅分數可以換一啲唔同嘅嘢食， 咁亦都有海鮮啦不過我相信係香港如果要食海鮮火鍋就唔應該嚟呢度啦
张贴