新肥泉海鮮大排檔

营业中

休息中

以前經常聽人講官涌街市和熟食中心，但一直都冇機會去，居然今晚噤啱經過一於入去睇吓，需然附近好靜唔係好光猛，但入到去別有洞天好光猛好乾淨而且好多人，入面有幾間食市，見呢間新肥泉海鮮大排擋幾大間，個廚房好多大廚在煮餸，就決定坐低呢間尋食一番餐牌真係好多嘢食，連酒家和大酒樓先有既菜式都有即管叫個鮑魚扣鵝掌來試吓，睇睇有冇酒家既水準先，另外叫多兩個小菜：椒鹽三文魚頭腩和黃金鮮魷鮑魚扣鵝掌，賣相都幾靚食吓鵝掌先，幾軟滑、肉好腍，鮑魚咬落軟軟腍腍，芡汁味道剛剛好，兩樣食物好入味估唔到大排檔食到酒家水準，正！椒鹽三文魚頭腩，椒鹽美味，魚頭有肉，三文魚腩外脆內嫩黃金鮮魷，新鮮熱辣炸起，香味樸鼻入囗外皮鬆脆，內裏肉質嫩滑彈牙，食得出佢唔係用好大隻和未足秤既魷魚來做，因為太大隻會好鞋，太細隻又冇口感，呢間做得剛剛好呢兩個小菜最好用來送啤酒，好可惜今晚得自己一個尋食，冇得同朋友舉杯暢飲好彩今晚冇放棄獨自一人上去尋幽探秘，唔係就錯過左一間噤正既大排檔，下次一於同班fd再去過