亞蘇爾 (形點) (已結業)

星期日全家人都放假，就出去濕平，今次去左元朗Yoho Mall一期，行到差唔多兩點，見肚餓，去左亞蘇爾澳門菜食午餐。過左午餐時間唔駛等位，仲被安排坐可以望到落地玻璃窗的梳化位，枱上仲放左聖誕蠟燭裝飾，整體環境舒服。打開餐牌好多野都好想食，食澳門菜就必定要食葡撻，除左焦糖，仲有香橙同泡沫咖啡，我揀左香橙，好清香，小小酸，橙味夠，皮脆不膩，不錯。亞蘇爾小食拼盤，同行人士個個都話要order! 拼盤的實物比餐牌上的更大更吸引，有澳門名菜馬介休球，少少鹹，夠香，豬手係黑醋豬手，有別一般肥膩的感覺，反而是酸及爽口的口感。辣肉腸芝士脆多士好惹味，芝士濃、多士脆。仲有辣的魷魚圈，好味~葡國雞配飯，熱辣辣，葡汁似咖哩色，好香椰味，雞件大件，鮮嫩多汁，仲有半邊蛋，夠飽。整體而言，餐廳食物色香味俱全，放假想食個relax Lunch的選擇之一。