根據店方提供的單張發現溫馨提示: 提早兩天預訂中秋節套餐, 啤酒、汽水免費任飲。 訂座8:30pm後入座可享有中秋節套餐八折優惠！ 那麽姑仔便提早兩天去俾錢預訂並訂8:30pm後入座, 結果昨晚就座後叫飲品, 黑衫女職員睇一睇張...入座時職員擺低嘅白色並釘了叫菜單的點心咭, 她說:「你們只有八折, 沒有任飲優惠！」 頓時在座各人
......姑仔有點氣憤的與黑衫女職員對質, 黑衫女職員依然氣定神閒地說:「頭圍先有任飲, 你地只有八折。」姑仔就答:「咁你地下次就印好d條款......」 黑衫女職員居然笑笑口道:「八折咪重抵, 汽水我地賣十蚊兩支, 任飲...你地飲到幾多??」
唔係飲到幾多嘅問題, 係你地誤導食客嘅問題 都唔知係唔係酒樓計過條數覺得賺得唔夠多, 臨時改咗提供優惠嘅方法(因為姑仔話佢嚟落訂時, 係無人主動同佢講關於頭圍尾圍嘅優惠分別) 反觀全場就真係full house, 半場火煱半場晚飯, 照計火煱較抵$128全包, 連無限量飲品、生熟食品、湯底油料。
話未說完, 第一道菜上檯
客家鹽焗雞...雞不似是焗, 是鹽水浸起, 上檯時濕濕暖暖的, 雞肉薄, 雞皮滑, 個子較瘦削。
鮑汁金錢扣鵝掌...金錢是冬菇可惜預先沒有炆過, 鵝掌/鴨掌一向不是我喜愛的食物, 因為通常店鋪煮得較硬而且無乜肉食, 怎知道禮貌上接受了一隻便被它炆得軟綿及油潤軟滑的軟骨KO了, 想再吃一隻的時候已發覺大部份已被巨P幹掉, 拿拿林叫她停手把碟上剩餘那一隻享受掉
竹笙花膠燴魚翅...原先熱愛鯊魚的小O都有點兒擔心究竟喝還是不喝魚翅湯, 結果她可以放心地喝......因為從她那碗觀察是完全沒有鯊魚出沒的跡象, 而我那碗......有發現
發現到有兩迷你疏疏翅, 竹笙一太片, 冬菇絲及肉絲一大束, 花膠也見不到
芝士焗大蝦球伊麵...伊麵較淋而且芝士汁不太濃
古法蒸雙喜多寶魚...古法是什麽法? 我只知兩條多寶魚蒸完再放上肉絲及葱絲再淋上豉油, 多寶魚肉厚鮮甜, 魚鰭嫩滑, 我及表舅母都分別完全幹掉魚頭、魚鰭及葱絲, 碟上只剩下魚骨兩條
富貴帶子象拔蚌...象拔蚌像水魷般質地, 帶子薄片再配合朵朵索了鹹鮮味的西蘭花
半個小時左右餸菜全部送到, 當最後那道菜送上後的十分鐘左右, 有位女侍應生準備送上每人一碗糖水, 但其實我們還有很多碟餸未吃完, 可能她聽到我們發出小不滿, 所以便醒目地拿回去了。 後來到我們完全清晒檯面上的餸菜就叫甜品可以上
紅豆沙...頗甜, 有果皮, 紅豆大大粒飽滿
慶中秋水晶餅...有紅豆餡及奶黄餡, 餅身過淋
合時鮮果拼盆之西瓜篇...話就話鮮果拼盆, 實情是西瓜拼西瓜, 啊！可能是中國西瓜拼大陸西瓜, 或者 柴灣西瓜拼小西灣西瓜
八折後就一千多元, 多謝DO DO
