金山海鮮酒家 (已結業)

雖然中秋未到，但係屋企人就唔到時間去食飯，所以就約定今晚大家一齊去金山食飯。食左呢間都好多年，雖然唔係時時食，始終價錢相對其他酒樓比較貴，當然味道及水準仍然都保持一貫水平啦。只講我比較喜歡的幾道菜豉椒炒蟶子，味鮮，肉爽，冇沙沙拉骨，呢個真係好惹味，食過咁多鋪頭呢度最正，油爆過仍唔會過乾，有肉汁，又有咬感，個汁加埋沙律醬超正，每次黎呢度必食之一炸大腸，乾身，脆卜卜，加埋個酸甜醬又係好味椒盬瀨尿蝦，椒盬味唔會過重，冇影響到瀨尿蝦本身既鮮味，肉爽甜豉油王鵝腸，味道甜甜的，又爽又脆服務方面，可能因為屋企人本身黎開呢度食，同某伙記幾熟，所以幾好招呼，佢地有3層，但係3層都比較嘈。