影片
更多
2020-09-28
953 浏览
第一次來三聖村食飯，帶埋父母。可能星期日又臨近中秋，所以多食客，見到即使人哋電話訂左枱其實都係要等。但正好等既期間俾老人家行開去魚檔睇下野，買海鮮。最終買左三款海鮮，星斑、扇貝同瀨尿蝦，用左八百零蚊，自己拎到門口阿叔會再秤/點算一次，因為是按重量/數量計算加工費的。魚同扇貝食其本身鮮味，所以清蒸，瀨尿蝦就做左經典食法，椒鹽炒。廚師手勢好好，魚蒸得剛剛熟，配搭芫茜蔥鼓油，非常香甜；蝦也是炸得外殼香脆而蝦肉鮮嫰。另外再點了炒通菜同白菜，有鑊氣得來又清爽。加工費小菜白飯茶錢加一，共五百幾。加返自購海鮮，除開每人平均三百零蚊，價錢合理。除咗自己等左成七丶八個字之外，其他都滿意，伙記都是眉精眼企之人，態度ok，無漏單上菜快，順利愉快食左個中秋飯。另有代客泊車服務，50蚊兩小時，附近停車場就40蚊一個鐘（週末晚上價）
最終買左三款海鮮，星斑、扇貝同瀨尿蝦，用左八百零蚊，自己拎到門口阿叔會再秤/點算一次，因為是按重量/數量計算加工費的。
魚同扇貝食其本身鮮味，所以清蒸，瀨尿蝦就做左經典食法，椒鹽炒。廚師手勢好好，魚蒸得剛剛熟，配搭芫茜蔥鼓油，非常香甜；蝦也是炸得外殼香脆而蝦肉鮮嫰。另外再點了炒通菜同白菜，有鑊氣得來又清爽。
加工費小菜白飯茶錢加一，共五百幾。加返自購海鮮，除開每人平均三百零蚊，價錢合理。
除咗自己等左成七丶八個字之外，其他都滿意，伙記都是眉精眼企之人，態度ok，無漏單上菜快，順利愉快食左個中秋飯。
另有代客泊車服務，50蚊兩小時，附近停車場就40蚊一個鐘（週末晚上價）
20 浏览
0 赞好
0 留言
张贴
