BKK

身為泰菜控，weekend嚟到上環呢邊都揀咗呢間泰國菜🇹🇭 氛圍都幾chill，都幾好食，值得推介！<碳燒和牛串配東北酸辣汁> 和牛串燒到外層焦香🔥，咬落肉汁爆出超Juicy！配嗰個「ham Jim Jaew」酸辣汁真係靈魂所在🌶️，酸辣醒神帶少少煙燻香，中和和牛油膩感😍 <大蝦柚子沙律> 柚子超冰涼爆汁，大蝦爽彈鮮甜，仲有炸蔥同椰絲增加口感，好特別又好驚喜！🥰 <虎蝦金邊粉> 鑊氣十足🔥！金邊粉炒得乾身又煙韌，每條都掛滿酸甜醬汁🍯，虎蝦大隻又弹牙，仲有脆脆芽菜同花生碎，撈勻啲青檸汁食，正宗泰式風味即刻返晒嚟！🤩 <大頭蝦配秘製咖哩> 秘製黃咖哩椰香超濃郁🥥，辣度溫和帶香料層次，大頭蝦手掌咁大隻！好好食😚 <泰式西米露> 食完濃味嘢飲返碗冰涼西米露啱晒❄️！椰奶香極濃！西米煮得啱啱好，仲有哈密瓜粒🫶🏻